4 млн доллар ұтып алған азаматтың қуаныштан жүрегі тоқтап қалды

Сингапурде казинода джекпот ұтып алған ер адамның жүрегі тоқтап қалды, деп хабарлайды BAQ.KZ жергілікті Locmat Times басылымына сілтеме жасап.

Бастапқыда кейбір ақпарат құралдары ер адамның оқиға орнында көз жұмғанын айтқанымен, дәрігерлер бұл ақпаратты жоққа шығарды. Оның расымен жүрегі тоқтап қалған, қазір ол ауруханада жатып, өз-өзіне келуде.

Оқиға елдегі әйгілі казинода болған. Ол жерде бақытты жан төрт миллион доллар джекпот ұтқан. Эйфорияны бастан кешірген куәгерлер бастапқыда қуанғанымен, кейіннен ер адамның қуаныштан жүрегі жарылып кете жаздағанын айтты, - делінген хабарламада.