300 млн теңге жалақы жазып алған бухгалтерлердің айласы әшкере болды

Қарағанды облысында білім саласында 300 миллион теңгеден астам ұрлық фактісі анықталды, деп хабарлайды BAQ.KZ тілшісі.

Қарағанды ​​облысының прокуратурасының мәліметінше, прокуратура №33 мектеп-бөбекжай-бақша кешенінде бюджет заңнамасының сақталуына тексеру жүргізген.

Тексеріс кезінде осы мекеменің екі есепшісінің 15 жыл бойы өздеріне белгіленген нормадан артық жалақыны заңсыз аударғаны анықталды. Ұрлықтың сомасы 300 миллион теңгеден асты, - делінген хабарламада.

Осы факті бойынша сотқа дейінгі тергеу амалдары жүргізіліп жатыр.