3 қазаннан бастап елдегі ақылы жолдарға жаңа тариф күшіне енеді

3 қазанда Қазақстанда ақылы жолдарды пайдаланудың жаңа тарифтері күшіне енеді. Бұл туралы Индустрия және инфрақұрылымдық даму министрлігінің бұйрығында айтылған, деп хабарлайды BAQ.KZ.

Тариф айлық есептік көрсеткішке байланысты болады. Биыл айлық есептік көрсеткіш – 3450 теңге.

Ақылы автомобиль жолы бойынша жүріп өту үшін төлем мөлшерлемелерін мына жерден көруіңізге болады.

Бұл бағыттардың бойындағы елді мекендердің тұрғындары үшін жеңіл көліктерге де, автобустарға да, жүк көліктеріне де жыл сайынғы рұқсаттамалар қарастырылған. Олардың бағасы сәйкесінше 1 АЕК және 20-дан 100 АЕК-ке дейін болады. Сондай-ақ, олар 2-ден 10 АЕК-ке дейінгі бағамен автобустар мен жүк көліктеріне ай сайынғы жазылымды сатып ала алады.