23 тамызда бірнеше өңірде дауылды ескерту жарияланды

Қарағанды облысының батысы мен солтүстігінде түнде жаңбыр жауып, найзағай ойнайды. Күндіз жаңбыр мен найзағай, облыстың батысында, солтүстігінде және орталығында қатты жаңбыр, бұршақ пен дауыл күтіледі. Түнде және таңертең батыста, солтүстікте және шығыста тұман түседі. Күндіз желдің екпіні 15-20 м/с, солтүстікте, шығыста және орталықта кей уақытта 23-28 м/с-қа жетеді. Облыстың батысында, шығысында, оңтүстігінде және орталығында төтенше өрт қаупі сақталады. Қарағандыда таңертең және күндіз жаңбыр, найзағай, бұршақ пен дауыл, түнде және таңертең тұман күтіледі. Желдің екпіні 15-20 м/с, кей уақытта 23 м/с-қа дейін жетеді.

Шымкентте төтенше өрт қаупі сақталады.

Түркістан облысының батысында, оңтүстігінде және таулы аудандарында өткінші жаңбыр жауып, найзағай ойнайды. Күндіз облыстың солтүстігінде шаңды дауыл күтіледі. Батыста, солтүстікте және таулы аудандарда желдің екпіні 15-20 м/с, күндіз солтүстікте кей уақытта 23 м/с-қа жетеді. Төтенше өрт қаупі сақталады. Түркістанда желдің екпіні 15-20 м/с болады. Төтенше өрт қаупі сақталады.

Ақтөбе облысының батысында, оңтүстігінде және орталығында түнде, солтүстігі мен шығысында күндіз желдің екпіні 15-20 м/с болады. Облыстың орталығында жоғары, жалпы өңірде төтенше өрт қаупі сақталады. Ақтөбеде төтенше өрт қаупі сақталады.

22 тамызда алдағы сағаттарда және күннің соңына дейін Павлодар облысының оңтүстігі мен шығысында аздаған жаңбыр жауып, найзағай ойнайды.

Алматыда аздаған жаңбыр жауып, найзағай ойнайды. Төтенше өрт қаупі сақталады. Іле Алатауы тауларында, Медеу және Бостандық аудандарының таулы аймақтарында жаңбыр жауып, найзағай ойнайды, күндіз кей уақытта қатты жаңбыр жауып, бұршақ түседі. Желдің екпіні 15-20 м/с болады.

Алматы облысының батысы мен оңтүстігінде аздаған жаңбыр жауып, найзағай ойнайды, таулы аудандарда жаңбыр мен найзағай, күндіз кей уақытта қатты жаңбыр және бұршақ күтіледі. Облыстың оңтүстігінде, шығысында және таулы аудандарында желдің екпіні 15-20 м/с болады. Облыс бойынша төтенше, шығысында жоғары өрт қаупі сақталады. Қонаевта күндіз аздаған жаңбыр жауып, найзағай ойнайды. Төтенше өрт қаупі сақталады.

Астанада жаңбыр жауып, найзағай ойнайды. Күндіз кей уақытта қатты жаңбыр жауып, бұршақ пен дауыл күтіледі. Желдің екпіні 15-20 м/с болады.

Батыс Қазақстан облысының батысында күндіз +35°C қатты ыстық күтіледі. Төтенше өрт қаупі, облыстың солтүстік-батысында жоғары өрт қаупі сақталады.

Абай облысының батысында жоғары, оңтүстігінде төтенше өрт қаупі сақталады.

Қостанай облысының солтүстігінде, шығысында және оңтүстігінде жаңбыр жауып, найзағай ойнайды, солтүстікте кей уақытта қатты жаңбыр жауады, күндіз бұршақ пен дауыл күтіледі. Түнде және таңертең батысы мен солтүстігінде тұман түседі. Солтүстікте, шығыста және оңтүстікте желдің екпіні 15-20 м/с болады. Облыс бойынша жоғары, оңтүстікте, оңтүстік-шығыста және орталықта төтенше өрт қаупі сақталады. Қостанайда түнде және таңертең жаңбыр жауып, найзағай ойнайды, күндіз желдің екпіні 15-20 м/с болады.

Шығыс Қазақстан облысының солтүстігінде түнде және таңертең тұман түседі. Облыстың солтүстік-батысында жоғары, оңтүстігінде төтенше өрт қаупі сақталады.

Жамбыл облысының таулы аудандарында жаңбыр жауып, найзағай ойнайды. Оңтүстік-батыста, солтүстік-шығыста және таулы аудандарда желдің екпіні 15-20 м/с, күндіз оңтүстік-батыста және таулы аудандарда 23-28 м/с болады. Төтенше өрт қаупі, облыстың шығысында жоғары өрт қаупі сақталады. Таразда желдің екпіні 15-20 м/с, күндіз кей уақытта 23 м/с-қа дейін жетеді. Төтенше өрт қаупі сақталады.

Солтүстік Қазақстан облысында жаңбыр жауып, найзағай ойнайды, батысы мен оңтүстігінде қатты жаңбыр, бұршақ пен дауыл күтіледі. Түнде және таңертең батыста, солтүстікте және оңтүстікте тұман түседі. Батыста, солтүстікте және оңтүстікте желдің екпіні 15-20 м/с болады. Петропавлда жаңбыр, найзағай мен бұршақ, түнде және таңертең тұман күтіледі. Күндіз желдің екпіні 15-20 м/с болады.

Ақмола облысында жаңбыр жауып, найзағай ойнайды. Түнде батыста, солтүстікте және оңтүстікте қатты жаңбыр жауады. Күндіз солтүстікте, оңтүстікте және шығыста қатты жаңбыр, бұршақ пен дауыл күтіледі. Түнде және таңертең батыс пен солтүстікте тұман түседі. Батыста, солтүстікте және шығыста желдің екпіні 15-20 м/с болады. Оңтүстікте жоғары, батыста төтенше өрт қаупі сақталады. Көкшетауда жаңбыр жауып, найзағай ойнайды, күндіз кей уақытта қатты жаңбыр, бұршақ пен дауыл күтіледі. Күндіз желдің екпіні 15-20 м/с болады.

Павлодар облысының батысы мен оңтүстігінде күндіз жаңбыр жауып, найзағай ойнайды. Түнде және таңертең солтүстік пен шығыста тұман түседі. Күндіз батыс пен оңтүстікте желдің екпіні 15-20 м/с болады. Облыстың шығысында жоғары өрт қаупі сақталады.

Маңғыстау облысында күндіз +38...+42°C қатты ыстық күтіледі. Облыстың батысы мен солтүстігінде төтенше өрт қаупі сақталады. Ақтауда да төтенше өрт қаупі сақталады.

Жетісу облысының оңтүстігінде, шығысында және таулы аудандарында өткінші жаңбыр жауып, найзағай ойнайды. Күндіз облыстың шығысында желдің екпіні 15-20 м/с болады.

Қызылорда облысының орталығы мен оңтүстігінде күндіз шаңды дауыл күтіледі. Желдің екпіні 15-20 м/с болады. Облыс бойынша төтенше өрт қаупі сақталады. Қызылордада күндіз шаңды дауыл соғып, желдің екпіні 15 м/с болады. Төтенше өрт қаупі сақталады.