23 наурызға арналған ауа райы болжамы

Нұр-Сұлтан, BAQ.KZ. "Қазгидромет" РМК синоптиктері Қазақстан аймақтарында 23 наурызда болатын ерекше метеорологиялық құбылыстарға болжамын ұсынды.

Қазақстан территориясының басым бөлігі антициклон ықпалында болатындықтан, оңтүстікте, оңтүстік-батыста жауын-шашынсыз ауа райы күтіледі. 

Территорияның қалған бөлігінде фронтальды бөліктердің өтуіне байланысты кей жерде жаңбыр және қар түрінде жауын-шашын, солтүтік өңірлерде қар жауады.

Республика бойынша кей жерде тұман, көктайғақ, солтүстікте жаяу бұрқасын сақталады, жел күшейеді, Қызылорда облысында желдің екпіні 30 м/с және одан аса күтіледі, оңтүстік-батыста шаңды дауыл күтіледі.

Қызылорда облысында кей жерде шаңды дауыл, түнде кей жерде жел 15-20, екпіні 25 м/с, күндіз 15-20 кей жерде екпіні 30 м/с және одан аса күшейеді.

Жамбыл облысында кей жерде тұман күтіледі, жел кей жерде 15-20, екпіні 23-28 м/с күшейеді.

Түркістан облысында кей жерде жел 15-20, таулы және солтүстік аудандарда екпіні 23-28 м/с күшейеді. Ақмола облысында кей жерде жаяу бұрқасын, түнде және таңертең кей жерде тұман күтіледі, жел кей жерде 15-20 м/с күшейеді. 

Солтүстік Қазақстан облысының кей жерінде бұрқасын, күндіз кей жерінде көктайғақ күтіледі, жел күндіз кей жерде 15-20 м/с күшейеді. 

Алматы облысының түнде кей жерінде тұман, күндіз кей жерінде жел 15-20 м/с күтіледі. 

Маңғыстау, Атырау облыстарының күндіз кей жерінде жел 15-20 м/с күшейеді, Маңғыстау облысында күндіз шаңды дауыл күтіледі. 

Қостанай облысының кей жерінде көктайғақ, тұман күтіледі. 

Қарағанды, Шығыс Қазақстан облыстарының кей жерінде тұман, көктайғақ күтіледі, жел 15-20 м/с күшейеді. 

Батыс Қазақстан, түнде Павлодар облыстарының кей жерінде тұман күтіледі.