2030 жылға қарай қалдықтарды қайта өңдеу үлесі 40%-ға жетеді

Нұр-Сұлтан, BAQ.KZ тілшісі. Премьер-министр Әлихан Смайылов қалдықтарды басқару мәселелеріне қатысты жоғарыда көрсетілген депутаттық сауалға жауап берді. 

«Жасыл» экономикаға көшу жөніндегі тұжырымдамада қалдықтарды қайта өңдеу үлесін 2030 жылға қарай 40% – ға, 2050 жылға қарай 50% - ға дейін жеткізу, 2030 жылға қарай ел халқының 100%-ын қоқыс шығарумен қамтамасыз ету, қатты тұрмыстық қалдықтар полигондарының 95% - ын экологиялық және санитариялық талаптарға сәйкес келтіру көзделген, - деген Әлихан Смайылов депутаттық сауалға берген жауабында.

2021 жылы қалдықтарды басқару жөніндегі іс-шараларды іске асыру көзделген халық үшін қолайлы өмір сүру ортасын құруға және экологиялық жағдайды жақсартуға ықпал ететін «Жасыл Қазақстан» ұлттық жобасы бекітілді, онда қалдықтарды реттеу іс-шаралары көзделген. 

Бұл ретте 2021 жылғы 23 шілдеде Қазақстан Республикасының Президенті жанындағы «жасыл экономикаға» көшу жөніндегі кеңестің кезектен тыс отырысы өткізілді, онда сәйкес келмейтін ҚТҚ полигондарын қалпына келтіру немесе оларды экологиялық және санитарлық нормаларға сәйкес келтіру секілді табиғи қоқыстарды жою және жол бермеу бойынша тәсілдер мақұлданды, - деді ол.