2021 жылы Нұр-Сұлтан қаласының елді мекеніне ауыз су жеткізіледі

Нұр-Сұлтан, BAQ.KZ. Елорданың бірқатар елді мекенінде инфрақұрылымды дамыту мәселелері бар. Интернациональный елді мекенінде бірінші кезекте жарықтандыру, аялдамалар орнатылып, автобус маршруттарының қосымша саны іске қосылады. 

Қазір магистральды су құбыры құрылысы басталды. Магистралды су құбыры аяқталғаннан кейін, кварталішілік желілер үйлерге өткізіледі. Бұл жұмыстарды 2021 жылы аяқтау жоспарланған. Бұл туралы Нұр-Сұлтан қаласының әкімі Алтай Көлгінов өзінің "Инстаграм" парақшасында жазды, деп хабарлайды елорда әкімдігінің ресми сайты.

Елордада 16 елді мекен бар. Оларды орталықтандырылған дамытудан басқа, ауыз су, кәріз, жарықтандыру, жолдар салу және т.б. мәселелерді шешу қажет. Аудан тұрғындары жарықтандыру, нөсер және шаруашылық нәжіс кәріздерін жүргізу, интернет, газдандыру, жолдарды, тротуарларды асфальттау және т.б. сияқты инфрақұрылым мәселелерін көтерді. Бірінші кезекте жарықтандыру, аялдамалар орнату, автобус маршруттарының қосымша санын іске қосудан бастаймыз. Тұрғындарда орталықтандырылған ауыз су берілмегенін ескере отырып, біз магистральды су құбырының құрылысын бастадық. Магистралды су құбыры аяқталғаннан кейін, кварталішілік желілерді үйлерге өткізуге кірісеміз. Бұл жұмыстарды 2021 жылы аяқтауды жоспарлап отырмыз. Жолдарды асфальттауға кіріспес бұрын, кәріз және газдандыру жұмыстарын аяқтаймыз. Биылғы жылыту маусымында бірқатар елді-мекендер газға көшіріле бастайды. Процесс бірнеше кезеңге бөлінген. Айтылған кездесуде тұрғындар көтерген мәселелер жоспарға алынды. Осындай кездесулерді барлық елді-мекендерде өткізіп, қала тұрғындарының ұсыныстарын қаланы дамыту жоспарына енгіземіз. Тұрғын үй алаптарын дамыту мәселесі Мемлекет басшысының бақылауында, - деп жазды Алтай Көлгінов.