20 сәуірден бастап банктер сағат 16:00-ге дейін жұмыс істейтін болады

Нұр-Сұлтан, BAQ.KZ тілшісі. ҚР ақпарат және қоғамдық даму министрі Дәурен Абаев 20 сәуірде астана мен Алматы қалаларында қандай секторлар жұмысын жалғастыратынын айтты.

Бүгін Нұр-Сұлтан қаласының әкімі Алтай Көлгінов 20 сәуірден бастап қандай секторлардағы кәсіпорындардың жұмысын жалғастыратынын ұсынды. Алдымен,  өнеркәсіптік және индустриялық кәсіпорындар, одан кейін құрлыс саласындағы кәсіпорындар. Үшіншіден, қыстан кейін жолдарды жөндейтін асфальт-бетон зауыттары. Төртіншіден, зейнетақы мен жәрдемақы беру үшін екінші деңгейдегі банктер. Олар сағат 16.00-ге дейін қысқа жұмыс кестесімен жұмыс істейді, - дейді Дәурен Абаев. 

Сонымен қатар, қосалқы қызмет көрсету секторының кейбір ұйымдары. Мысалы:
- Химиялық тазалау және кір жуу орындары;
- Шиномонтаж, арнайы техникаларды жөндеу және көлік жуу станциялары ашылады.

Қоғамдық тамақтану орнынан тамақ жеткізу мүмкіндігін кешкі сағат 10-ға дейін ұзарту ұсынылды.Осылайша, барлық аталған кәсіпорындар бойынша 90-100 мыңға жуық адам жұмысын жалғастырады. Бұл Нұр-Сұлтан қаласында жұмыс істейтін халықтың шамамен 20%-ын құрайды, - дейді министр.

Алматы қаласындп өнеркәсіптің барлық салалары – қоймалау, құрылыс, екінші деңгейдегі банк қызметкерлерінің 50% дейін, қызмет көрсету саласының кейбір секторлары толық жұмыс күні режиміне көшеді.

Оның айтуынша, Алматы қаласында 128 мың адам жұмысын жалғастырады.