18-қабаттан құлаған ер адам ғажайыптың күшімен аман қалды

Ресейдің Владимир қаласында 27 жастағы ер адам 18-ші қабаттан құлап, ғажайыптың күшімен аман қалды, деп хабарлайды BAQ.KZ.

NEWS.ru таратқан ақпаратқа сәйкес, ол аулада тұрған жеңіл автокөліктің үстіне құлаған.

Қаланың іздеу-құтқару отряды қызметінің баспасөз қызметі ақпаратты растады.

Соққыдан көліктің әйнегі сынып, ал зардап шегуші салонның ішіне түскен.

Мұндай биіктіктен "секіруден" аман қалу – ғажайып, - дейді құтқарушылар.

Олар ер адамды автокөліктің ішінен жылдам шығарып алып, дәрігерлерге тапсырды. Қазір ол ауруханада ем қабылдап жатыр.

Алдын ала деректер бойынша, ер адам есірткіге мас күйінде құлаған болуы мүмкін.