16 жылда 109 адам қаза тапты. Сайыров Смайыловқа сауал жолдады

Нұр-Сұлтан, BAQ.KZ тілшісі. Мәжіліс депутаты Ерлан Сайыров Мәжілістің жалпы отырысында Премьер-министр Әлихан Смайыловқа сауал жолдады.

 «Арселлор Миттал Теміртау» АҚ-да болған апатқа жұртшылық алаңдап отыр, оның салдарынан төрт азаматымыз қаза тапты. «Абай» кенішіндегі топтық апатты тергеу әлі аяқталған жоқ. Соңғы 10 жылда бұл кәсіпорында жиырмадан астам жазатайым оқиға орын алып, 41 адам зардап шекті. 16 жыл ішінде 109 адам шахтада қаза тапты, - деді ол. 

Депутат атағандай, «АМТ» АҚ-да жазатайым оқиғалардың көбею проблемалары артып келеді.

Сондай-ақ металлургиялық комбинаттың өндірістік кешенін және көмір шахталарын тиісті жағдайда ұстау жөніндегі іс-шараларды жеткіліксіз қаржыландыру салдарынан өндірістік жарақат алу көбейіп келеді. Еңбек қауіпсіздігі шаралары қабылданбайды. Көптеген мәселе кадр саясатына байланысты, мысалы шетелдік мамандар – уақытша жұмысшылар түрлі лауазымдарға тартылып жатыр. Кәсіпорынның шетелдік және отандық жұмысшыларының жалақысы көлеміндегі теңсіздік бар, - деді ол. 

Сайыров атағандай, жазатайым оқиғалар мен жарақаттану жағдайларын тергегеннен кейін біздің инженерлік-техникалық қызметкерлер соңғы болып қалып отыр, олардың саны бірнеше рет қысқартылды.

Кәсіпорынның бірінші басшылары асыраушысынан айырылғаны үшін өтемақы төлеп, моральдық жауапкершілікті де көтермейді. Шетелдік компанияның азаматтарымыздың өмірі мен денсаулығына ақша үнемдеуіне жол беруге болмайды деп есептейміз, - деді Сайыров. 

«АМАНАТ» фракциясы қызметкерлердің құқықтарын қорғауды және «АМТ» АҚ-ның бұрын қабылданған барлық  міндеттемелерін орындауды талап етуді өзінің міндеті деп санайды.

Үкіметке келесі шұғыл шараларды қабылдау қажет деп санаймыз:

1. «Арселор Миттал Теміртау» АҚ өндірістік кешенінің жай-күйіне жүргізілген техникалық аудит нәтижелерін, стратегиялық маңызы бар экономика салаларындағы меншіктің мемлекеттік мониторингі туралы Қазақстан Республикасының Парламенті Мәжілісіне және ел жұртшылығына Қазақстан Республикасының Заңына сәйкес баяндасын.

2. Өткізілген аудит негізінде зауыттың ақаусыз жұмысын қамтамасыз ету үшін қажетті инвестиция көлемін анықтау және Л.Миттал мырзадан кәсіпорынның өндірістік базасын қалпына келтіруді талап ету.

3. Кәсіпорынның бірінші басшыларының өліммен аяқталатын жазатайым оқиғалардың көбеюі үшін жауапкершілігін қарастыру.

Депутаттық сауалға «Қазақстан Республикасының Парламенті және оның депутаттарының мәртебесі туралы» Қазақстан Республикасының Конституциялық заңына сәйкес шара қолданып, жауап беруіңізді сұраймыз, - деді Сайыров.