14 сәуірге арналған ауа райы болжамы

Нұр-Сұлтан, BAQ.KZ. Синоптиктер 14 сәуірде ел аумағында ауа райы қандай болатынын айтты. Бүгін республиканың басым бөлігіне жаңбыр, жел, тұман түседі, деп хабарлайды "Қазгидромет" РМК.

Атмосфералық фронттардың өтуіне байланысты республиканың басым бөлігінде жаңбыр жауады. Оңтүстікте кей жерлерде қатты жаңбыр, солтүстікте, орталықта жаңбыр және қар жаууы мүмкін. Тек республиканың батысында, оңтүстік-батысында ауа райы жауын-шашынсыз, күн ашық болады. Кей жерлерде тұман түседі, жел күшейеді.

Солтүстік Қазақстан облысының кей жерлерінде тұман түседі. Күндіз күн күркірейді, түнде кей жерлерде жел екпіні 15-20 м/с жетеді. Күндіз аймақтың басым бөлігінде 15-20 м/с, 25 м/с жылдамдықпен жел соғады.

Алматы, Түркістан, Қарағанды, облыстарының кей жерлерінде тұман түседі, жел қарқыны - 15-20 м/с. Алматы облысында найзағай жарқылдайды.

Батыс Қазақстан, Қостанай облыстарының кей жерлерінде тұман күтіледі, күндіз желдің күші 15-20 м/с болады.

Ақтөбе, түнде Маңғыстау, күндіз Павлодар облыстарының кей жерлерінде жел екпіні 15-20 м/с дейін күшейеді.

Түнде Қызылорда облысының кей жерлерінде тұман түсіп, күн күркірейді. Күндіз кей жерлерде жел қарқыны - 15-20 м/с.

Шығыс Қазақстан облысының кей жерлерінде жел 15-20 м/с күшейеді, түнде және таңертең тұман күтіледі.

Ақмола облысының кей жерлерінде жел екпіні 15-20 м/с жетеді.

Жамбыл облысының кей жерлерінде тұман түсіп, найзағай жарқылдайды.

Түнде Атырау облысының шығысында жел 18 м/с дейін күшейеді.