14 маусымға арналған ауа райы болжамы

Нұр-Сұлтан, BAQ.KZ. "Қазгидромет" РМК синоптиктерінің болжамына қарағанда еліміздің басым бөлігінде найзағамен жаңбырлы тұрақсыз ауа райы сақталады, республиканың батысында және оңтүстік-батыстанда жауын-шашын болмайды.

Кей жерде найзағай,  желдің күшеюі, дауыл, бұршақ жаууы мүмкін, оңтүстік-батыста шаңды дауыл болады.

Күндіз Солтүстік Қазақстан облысының кей жерінде дауыл болып, жел 15-20 м/с жетеді, бұршақ жаууы мүмкін.

Павлодар, Шығыс Қазақстан облыстарының кей жерінде күндіз бұршақ жаууы ықтимал.

Ақмола облысында дауыл болып, жел 15-20 м/с күшейеді, бұршақ жаууы мүмкін.

Атырау облысында жел 15-20 м/с күшейеді, күндіз кей жерлерінде дауыл, шаңды дауыл болады.

Маңғыстау, күндіз Қызылорда, Түркістан облыстарының кей жерінде жел 15-20 м/с күшейеді, Маңғыстау облысында шаңды дауыл болады.

Күндіз Жамбыл облысының кей жерінде жел 15-22 м/с күшейеді, бұршақ жаууы мүмкін.