11 маусымға арналған ауа райы болжамы

Нұр-Сұлтан, BAQ.KZ. "Қазгидромет" РМК синоптиктерінің болжамына қарағанда бүгін еліміздің басым бөлігінде найзағаймен жаңбырлы тұрақсыз ауа райы сақталады.

Республиканың батысында ауа райы жауын-шашынсыз болады. Республика бойынша кей жерде найзағай, желдің күшеюі, дауыл, бұршақ жаууы ықтимал.

Алматы, Жамбыл облыстарының кей жерінде дауыл, желдің 15-23 м/с күшеюі, бұршақ жаууы ықтимал.

Ақмола облысының кей жерінде найзағай, желдің 15-20 м/с күшеюі, күндіз кей жерінде дауыл тұрып, бұршақ жаууы мүмкін.

Солтүстік Қазақстан облысының кей жерінде тұман, күндіз кей жерінде дауыл тұрып, жел 15-20 м/с дейін күшеюі ықтимал.

Шығыс Қазақстан облысында, күндіз Түркістан, Қостанай, Қарағанды облыстарының кей жерінде желдің 15-20 м/с күшеюі, түнде және таңертең Қарағанды облысының  кей жерінде тұман түседі.

Түнде Павлодар облысының кей жерінде тұман болады.

Батыс Қазақстан, Атырау, Ақтөбе, Қостанай, Қарағанды Түркістан облыстарының кей жерінде жоғары өрт қаупі сақталады.