100 үздік олимпиадалық мектептер рейтингі жасақталды

Үздік олимпиадалық мектеп атану үшін республика бойынша 314 мектеп бақ сынасты, деп хабарлайды BAQ.KZ.

Бұл туралы ҚР Оқу-ағарту министрлігінің баспасөз қызметі мәлімдеді.

2022-2023 оқу жылындағы жалпы білім беретін пәндер бойынша оқушылардың республикалық олимпиадасының қорытынды кезеңін толық нәтижелеу үшін еліміздің 100 үздік олимпиадалық мектептер рейтингі жасалды.

Үздік олимпиадалық мектеп атану үшін республика бойынша 314 мектеп бақ сынасты. Олимпиада қорытындысы бойынша бірінші орынды 4 мектеп, екінші орынды 9 мектеп, үшінші орынды 14 мектеп иеленді. 
Рейтинг арнайы формула бойынша шығарылды. Алтын медаль 3 баллға, күміс – 2 баллға және қола – 1 баллға бағаланады, - делінген министрлік таратқан ақпаратта.