1 қыркүйекке дейін әкелінген автокөліктерді заңдастыру тәртібі әзірленді
Қазақстан Республикасы Ішкі істер министрлігі Қазақстан Республикасына 2022 жылғы 1 қыркүйекке дейін әкелінген және Қазақстан Республикасының заңнамасына сәйкес мемлекеттік тіркеуден өтпеген көлік құралдарын заңдастыруды жүргізу тәртібін дайындады, деп хабарлайды BAQ.KZ тілшісі.
Құжатта көлік құралдарын заңдастыру, оның ішінде көлік құралдарын заңдастыруды ұсыну мерзімі 2023 жылғы 1 қаңтардан басталып, 2023 жылғы 1 шілдеде аяқталады деп көрсетілген.
Көлік құралдарын заңдастыру Қазақстан Республикасы азаматтарының «Азаматтарға арналған үкімет «Мемлекеттік корпорациясы» КЕАҚ филиалдарына немесе заңдастыру туралы өтінішті жол жүрісі қауіпсіздігін қамтамасыз ету жөніндегі уәкілетті орган қарайтын «электрондық үкімет» порталы арқылы жүргізіледі.
Көлік құралын заңдастыру үшін:
- өтініш;
- өтініш берушінің жеке басын куәландыратын құжат (жеке басын сәйкестендіру үшін);
- көлік құралының паспорты (көлік құралы шассиінің паспорты) және/немесе көлік құралын тіркеу туралы куәлік;
- көлік құралына меншік құқығын растайтын құжаттарды Мемлекеттік корпорацияға ұсынады.
Уәкілетті орган көлік құралын заңдастыру туралы электрондық өтінім келіп түскеннен кейін құжаттардың сканерленген көшірмелерімен, сондай-ақ көлік құралының нөмірлік агрегаттарын қарап-тексеру және салыстыру нәтижелерімен бірге өтініш беруші мен көлік құралын олардың іздестіруде болуы, көлік құралына қойылған шектеулер мен ауыртпалықтардың бар-жоғын тексеріп, бір шешім қабылдайды.
Заңдастыру мерзімі ішінде берілген көлік құралын заңдастыру туралы өтініш өтініш берілген күннен бастап екі жұмыс күнінен кешіктірілмей қаралуға тиіс.
Көлік құралын заңдастыру туралы өтінішті қарау нәтижелері бойынша уәкілетті орган:
1) құжаттарды қайтару туралы;
2) көлік құралын заңдастыруден бас тарту туралы;
3) көлік құралын заңдастыру туралы шешім шығарады
Көлік құралын заңдастыруға ұсынылған құжаттар мынадай:
- құжаттардың толық емес топтамасын ұсыну;
- ұсынылған құжаттарда өшірулер мен түзетулердің болуы;
- ұсынылған құжаттардың Қазақстан Республикасы заңнамасының осындай құжаттарға қойылатын талаптарына сәйкес келмеуі:
- басқа мемлекеттің құзыретті органында бұрынғы тіркелген жері бойынша көлік құралы мемлекеттік есептен шығарылмаған жағдайларда себептері көрсетіле отырып қайтарылуға жатады.
Көлік құралын заңдастыруға ұсынылған құжаттарды қайтару үшін негіз болған себептер жойылған кезде заңдастыру субъектісі заңдастырудің белгіленген мерзімі ішінде көлік құралын заңдастыруге өтінішті қайта беруге құқылы.
Көлік құралын заңдастыруден бас тарту «жол қозғалысы туралы» Қазақстан Республикасы заңының 67 және 68-баптарында көзделген негіздер бойынша, сондай-ақ егер көлік құралы 2022 жылғы 1 қыркүйектен кейін Қазақстан Республикасының аумағына әкелінген жағдайларда жүзеге асырылады.
Көлік құралын заңдастыруден бас тарту туралы шешім қолданыстағы заңнаманың нормаларына сілтеме жасай отырып дәлелді болуға тиіс.
Уәкілетті орган көлік құралын Қазақстан Республикасының аумағына әкелу күнін Қазақстан Республикасы Ұлттық қауіпсіздік комитетінің Шекара қызметі мен Мемлекеттік кірістер органдарының мәліметтері негізінде айқындайды.
Шекара қызметінде және Мемлекеттік кіріс органдарында көлік құралын әкелу туралы мәліметтер болмаған кезде уәкілетті орган бірыңғай сақтандыру дерекқорынан алынған мәліметтер негізінде әкелу күнін айқындайды.
Бұл жағдайда көлік құралдарын Қазақстан Республикасының аумағына әкелу күні көлік құралдары иелерінің жауапкершілігін міндетті сақтандыру шартын бастапқы ресімдеу күні болып есептеледі.
Көлік құралын заңдастыру туралы шешім шығарылғаннан кейін заңдастыру субъектісі:
1) көлік құралын (Еуразиялық экономикалық одақтан тыс жерлерден әкелінген, оның ішінде ЕАЭО кедендік шекарасы арқылы заңсыз өткізілген көлік құралдары үшін; Қырғыз Республикасы, осы Тәртіптің 16-тармағында белгіленген жағдайларда) кедендік ресімдеу рәсімінен өтеді;
2) «Салық және бюджетке төленетін басқа да міндетті төлемдер туралы» Қазақстан Республикасының Кодексінде белгіленген баждар мен алымдарды төлейді.
Заңдастыруға жататын көлік құралдарын алғашқы тіркегені үшін алым екі жүз мың теңге мөлшерінде төленеді, - делінген құжатта.
Бұл ретте, заңдастырылатын көлік құралдарының иелерін Қазақстан Республикасының Экологиялық кодексінде белгіленген Көлік құралдарын бастапқы тіркеу кезінде өндірушілер (импорттаушылар) кеңейтілген міндеттемелерді орындаудан босатады.
Заң аясында биыл 1 қыркүйекке дейін ел аумағына әкелінген автомобильдерді пайдалану және бастапқы тіркеу үшін бір жолғы тәртіппен 200 мың теңге мөлшерінде бірыңғай алым төлеу тәртібі қарастырылған болатын.
Қабылданған заң инвестиция тартуға және бизнес-ортаны дамытуға қосымша құқықтық жағдай қалыптастырады. Атап айтқанда, жекелеген салаларда қосылған құн салығы бойынша жеңілдіктер беру арқылы өндірісті ынталандыру көзделіп отыр. Жаңа нормалар еңбекақы қорына жүктемені азайтуға мүмкіндік береді. Бұл – Мемлекет басшысының тапсырмасын іске асыруға арналған шара. Алдағы уақытта осы заң халыққа және бизнеске көрсетілетін қызметтердің сапасы мен деңгейін көтеруге мүмкіндік береді деп сенеміз, – деді заң жөнінде пікір білдірген Мәулен Әшімбаев.
Қазақстан Республикасына 2022 жылғы 1 қыркүйекке дейін әкелінген Қырғыз Республикасының заңнамасына сәйкес кедендік баждарды, салықтарды төлей отырып, кедендік ресімдеуден өткен көлік құралдарын бастапқы тіркеу оларды иеліктен шығару құқығын 2025 жылғы 1 қаңтарға дейін шектей отырып жүзеге асырылады, көрсетілген күннен кейін олар Еуразиялық экономикалық одақтың тауарлары деп танылады, оларды иеліктен шығаруға шектеу алынып тасталады.
Жеке тұлғалардың жеке пайдалануға арналған тауарларды Кеден одағының кедендік шекарасы арқылы өткізу және оларды шығаруға байланысты кедендік операцияларды жасау тәртібі туралы 2010 жылғы 18 маусымдағы келісімге 5-қосымшада көрсетілген ставкалар бойынша төлеуге жататын кедендік баждар, салықтар сомаларының айырмасы мөлшерінде кедендік баждар, салықтар және төленген сомалар төленген жағдайда осы тармақтың бірінші абзацында көрсетілген көлік құралдарына қатысты кедендік баждар, салықтар, оларды бастапқы тіркеу иеліктен шығару құқығын шектемей жүзеге асырылады.
Армения Республикасының заңнамасына сәйкес кедендік баждарды, салықтарды төлей отырып кедендік ресімдеуден өткен және 2022 жылғы
1 қыркүйекке дейін Қазақстан Республикасына әкелінген, оның ішінде «Қазақстан Республикасы азаматтарының Армения Республикасында тіркелген жекелеген көлік құралдарын Қазақстан Республикасына әкелуі мен пайдалануының кейбір мәселелері туралы» Қазақстан Республикасы Үкіметінің 2020 жылғы 20 мамырдағы № 306 қаулысына сәйкес бұрын Қазақстан Республикасында тіркелген көлік құралдарын бастапқы тіркеу, оларды иеліктен шығару құқығы шектеусіз жүзеге асырылады, өйткені 2023 жылғы 1 қаңтардан кейін олар Еуразиялық экономикалық одақтың тауарлары болып танылады.
Егер көлік құралының паспорты (көлік құралы шассиінің паспорты) және/немесе көлік құралын тіркеу туралы куәлік жоқ екені анықталса, ал көлік құралы бұрын ЕАЭО аумағында жол жүрісіне қатысуға немесе пайдалануға жіберілмесе және іздеуде болмаса, онда көлік құралын ЕАЭО кедендік шекарасы арқылы заңсыз өткізу фактісін тексеру және «Қазақстан Республикасындағы кедендік реттеу туралы» 2017 жылғы 26 желтоқсандағы Қазақстан Республикасы кодексінің 152-бабына сәйкес шешім қабылдау үшін заңдастыру субъектісі Мемлекеттік корпорация үй-жайдағы Мемлекеттік кірістер органының қызметкеріне жіберіледі.
«Қазақстан Республикасындағы кедендік реттеу туралы» 2017 жылғы 26 желтоқсандағы Қазақстан Республикасы кодексінің 152-бабына сәйкес, кедендік баждарды, салықтарды төлемеуге немесе тыйым салулар мен шектеулерді, ішкі нарықты қорғау шараларын сақтамауға әкеп соққан, ЕАЭО-ның кедендік шекарасы арқылы заңсыз өткізілген көлік құралдарына қатысты кедендік декларациялау не кедендік декларациялау жүзеге асырылуы мүмкін. мұндай тауарларға қатысты өзге де кедендік операциялар жасалуы және заңнамада белгіленген тәртіппен кедендік төлемдер, салықтар төленуі мүмкін.
Заңсыз өткізілген көлік құралдарына арналған кедендік декларация Мемлекеттік кірістер органының мемлекеттік корпорацияның үй-жайындағы және осы көлік құралдарын анықтаған лауазымды адамына Көлік құралдарын заңдастыру жүргізілгенге дейін беріледі.
Баждар мен алымдар төленгеннен, кедендік ресімдеуден өткеннен кейін заңдастыру субъектісі жария етілетін көлік құралын бастапқы тіркеу үшін құжаттардың түпнұсқаларын Мемлекеттік корпорацияға ұсынады.
Мемлекеттік корпорация қызметкері заңдастыру субъектісінің деректерін, заңдастыру туралы шешімнің, баждар мен алымдарды төлеу туралы мәліметтердің болуын, кедендік ресімдеудің тиісті мемлекеттік ақпараттық жүйелер арқылы өтуін тексереді және уәкілетті органға көлік құралын бастапқы тіркеуді бекітуге өтінімді онлайн-режимде жібереді.
Уәкілетті орган сканерленген құжаттарды толтырудың дұрыстығына электрондық өтініммен салыстырып тексереді, олардың толықтығын тексереді және көлік құралын бастапқы тіркеуге өтінімді бекіту туралы шешім қабылдайды.
Өтінім бекітілген жағдайда заңдастыру субъектісіне көлік құралын тіркеу туралы куәлік және Қазақстан Республикасының мемлекеттік тіркеу нөмірлік белгілері беріледі.