Әскери медицинаны дамытудың жаңа бағдарламасы ұсынылды

Нұр-Сұлтан, BAQ.KZ. Қазақстан Қарулы Күштерінің Бас әскери-медициналық басқармасы әскери медицинаны дамыту бағдарламасын әзірлеп, министрге осы саланы дамытудың негізгі бағыттарын баяндады, деп хабарлады Қорғаныс министрлігінің сайты. 

Бағдарлама Қазақстанның әскери медицинасының бірқатар маңызды бағыттарын қамтиды: әскери-медициналық қамтамасыз етуді басқару, кадрлық ресурстар, материалдық база және ұйымдық-штаттық құрылым, сондай-ақ медициналық көмек көрсетуді ұйымдастыру. Бұл ретте ағымдағы жағдай, проблемалық мәселелер және оларды шешудің ұсынылатын жолдары егжей-тегжейлі көрсетілген, - делінген ақпаратта.

Бас әскери-медициналық басқарма бастығы полковник Тимур Ошақбаевтың айтуынша, аталмыш бағдарламаны жүзеге асыру Қазақстанға бейбіт және басқа да уақытта міндеттерді өз бетінше шешуге қабілетті, медициналық қамтамасыз ету мен сақтандырудың жалпы жүйесінде бәсекеге қабілетті әскери-медициналық бөлімшелер мен мекемелер құруға мүмкіндік береді.

Жоспарланып отырған басты нәтижелер – әскерлерді сапалы, заманауи медициналық мүлікпен және техникамен үздіксіз қамтамасыз ету, әскери дәрігердің мәртебесін және әскери медицинаның беделін арттыру. Бұл шаралардың барлығы құрылым мен медициналық қызмет жүйесін жақсартуға мүмкіндік береді. Бағдарламаның маңызды аспектісі санаториялық ұйымдардың климатогеографиялық орналасуы бойынша орындарды бөле отырып, санаториялық-курорттық емдеуге сәйкес қызметтерді сатып алу болып табылады, - делінген ақпаратта.

Қызметті қазіргі әскери қызметшілер мен запастағы адамдар пайдалана алады. Сондай-ақ, қазақстандық әскери қызметшілердің БҰҰ бітімгершілік миссияларына қатысуын кеңейту шеңберінде әскери-далалық госпитальді дайындау және оны жіберу жоспарланып отыр. Бүгінде Қазақстанның Қарулы Күштерінде 21 әскери-медициналық мекеме жұмыс істейді.

Атап айтқанда, орталықтар, госпитальдар, лазареттер және 131 медициналық бөлімше-медициналық роталар, пункттер, взводтар, бөлімшелер. Әскери медиктердің негізгі бөлігі запастағы офицерлерді және шет мемлекеттердің әскери оқу орындарының түлектерін шақыратын Қазақстанның медициналық жоғары оқу орындарынан құралады. Қосымша білім беруді ҚР ҚМ әскери медицина орталығы қамтамасыз етеді. Жыл сайын 400-ге дейін адам білім алады.

Әскери медицина жүйесін дамыту мен жетілдіру әскердің жоғары жауынгерлік даярлығын қолдау жөніндегі шаралар кешенінде басым бағыттардың бірі болып табылады және мемлекеттің қорғаныс қабілетіне тікелей әсер етеді.