Облыс басшылығы клубты коммерцияландыру мүмкіндігін қарастырып жатыр. Бұл туралы ШҚО әкімі Нұрымбет Сақтағанов ОКҚ брифингінде айтты, деп хабарлайды BAQ.KZ тілшісі.
Өскеменнің футбол клубы 13 жылдан кейін алғаш рет премьер-лигаға өтті. Бұған дейін клуб жыл сайын бюджеттен 1 млрд теңгеге дейін қаржы алып келген.
Клубты жекеменшікке беру мәселесі жан-жақты қарастырылып жатыр. Басқа футбол командаларының тәжірибесі де ескерілуде. Әртүрлі нұсқалар бар. Қазір бұл мәселе талқылануда, – деді Сақтағанов.
Әкімнің айтуынша, өңірде клубқа демеушілік қолдау көрсетуге дайын ірі кәсіпорындар бар.
Әзірге ешқандай ұсыныс түскен жоқ, бірақ біз оларды қарастыруға дайынбыз, – деді Сақтағанов.
