Алматы, BAQ.KZ. Бүгіннен батсап 10 ақпанның таңына дейін Алматы қаласында қар жауады деп күтілуде. Ауа температурасы күндіз 0...-2, түнде -4...-6. Тұман басып, жолдарда көктайғақ болады. Осыған байланысты Алматы қаласының Тұрғын үй саясаты басқармасы қала тұрғындарына ескерту жасады.
Көктайғақ құбылыстарының алдын алу мақсатында 204 құмшашқыштың кезекшілігі ұйымдастырылады. Қар тазалау жұмыстарына барлығы 624 бірлік арнайы техника мен 1538 жол жұмысшысы жұмылдырылады.
Мұз қатуы болжамына орай жолдың жүру бөлігінде, тротуарларда көктайғақ пайда болуы мүмкін. Сондықтан Тұрғын үй саясаты басқармасы автоәуесқойлар мен жаяу жүргіншілерден сақтық шараларын сақтауды өтінеді,-делінген хабарламада.
Жүргізушілерге жылдамдықты төмендетуге, көліктер арасында қашықтықты арттырмауға және кенеттен маневр жасамауға кеңес берілді. Жаяу жүргіншілер тротуарларда жүрген кезде көктайғаққа қатысты қауіпсіздік шараларын сақтағаны жөн.
