Алматылықтар 31 қазанға дейін жылу мен ыстық су қарызын төлеп, өсімпұлдан құтыла алады

13 Сәуір 2021, 15:41

1395

Бөлісу:

Алматы, BAQ.KZ. Алматыда «Қарызды төле - өсімпұлды алып тастаймыз!» атты акция басталды. Бұл туралы Алматы жылу жүйесі хабарлады.

Аталған акция өсімпұлдан үнем жасаудан басқа, мүлікке, сондай-ақ сол төлемеушілердің банктегі есептік шотарына салынған шектеулер мен тыйым салуларды алып тастауға мүмкіндік береді.

Акцияға қатысу үшін ағымдағы жылдың 15 сәуірінен 31 қазанына дейін берешекті толық төлеп және «Алматы жылу жүйесі» ЖШС-на бірқатар құжаттарды: өтінішті, жеке басын куәландыратын құжаттың көшірмесін, негізгі қарыздың төленгенін растауды (кассалық чек), электрондық поштаға жібере отырып немесе орналасқан аумақ бойынша ТҚКО-ның (тұтынушыларға қызмет көрсету орталықтарының) біріне жүгіну арқылы ұсыну қажет,-делінген хабарламада.

ТҚКО мекен-жайлары мен байланыс телефондары:

- «Батыс» ТҚКО Алатау, Әуезов және Наурызбай аудандарына қызмет көрсетеді, «Аксай-4» ықшам ауданы, 51-Б, +7 727 341 0530, +7 727 341 0531, +7 701 300 7049.
- «Орталық» ТҚКО Алмалы және Бостандық аудандарына қызмет көрсетеді, Шапық Шөкин көшесі, 221-В, +7 727 341 0528, +7 727 341 0529, +7 701 300 7065.
- «Шығыс» ТҚКО Жетісу, Медеу және Түрксіб аудандарына қызмет көрсетеді, Наманған көшесі, 39-А, +7 727 341 0532, +7 727 341 0533, +7 701 300 7054.