Damubala.kz платформасының ресми парақшасында Алматыда тегін үйірмелер мен секцияларға тіркелудің екінші кезеңі 10 мамырда сағат 18.00-де ашылатыны жарияланды, деп хабарлайды BAQ.KZ.
3 мамырда damubala.kz интернет-порталында тегін үйірмелер мен секцияларға кезек қалыптастырудың бірінші кезеңі өтті. 15 мың адам өтініш берді. Қазір барлық келіп түскен өтініштер қарастырылып, платформа әзірлеушілері қызмет нәтижесінің қорытындысын жасап жатыр.
Бірінші кезеңде порталды пайдаланушыларда көптеген сұрақтар туындады. Оларға платформа әзірлеушісі Сәуле Жұмажанова аталған парақшада жарияланған сұхбатында берді. Мысалы, ваучерді тарату механизмі қалай жұмыс істейтінін түсіндірді. Олар бюджет қаражаты босатылған кезде кезек тәртібімен беріледі.
Егер бірінші кезеңде барлығы тіркеле алмаса, кезектен шығып кеткен немесе үйірмелерден шығарылғандар есебінен бөлімдерде жаңа орындар пайда болады. Кезектің қозғалысын порталдағы жеке кабинетіңізде бақылай аласыз, - деді әзірлеуші.
