Алматы, BAQ.KZ. Алматыда Рысқұлов даңғылының бойымен шығыс бағыттағы қозғалыс ішінара жабылады.
Қалалық Мобильділік басқармасы хабарлағандай, Рысқұлов даңғылы бойындағы (Жангелдин көшесінен Айша-Бибі көшесіне дейін, Рысқұлов даңғылының оңтүстік жағы) жол жабынын орташа жөндеу жұмыстарын жалғастыруға байланысты осы жылдың 14 маусымында кешкі сағат 20.00-ден 15 маусымдағы таңғы сағат 6.00-ге дейін қозғалыс бөлігі ішінара жабылады.
Қала тұрғындары мен қонақтары өздерінің бағыттарын алдын ала жоспарлаулары тиіс. Келтірілген қолайсыздықтар үшін кешірім сұраймыз және жөндеу жұмыстарына түсіністікпен қарауды өтінеміз, - делінген хабарламада.
