Астана, BAQ.KZ. Алматыда тауда адасқан алты ағылшын азаматы құтқарылды, деп хабарлайды ҚР ІІМ ТЖД баспасөз қызметі.
30 желтоқсан күні Алматы қаласы, Медеу ауданындағы Бутаковка шатқалында алты шетел азаматын іздестіру жұмыстары жүргізілген . Оның ішінде үшеуі - бала.
Операция құрамында 7 құтқарушы, 1 кинологиялық топ, 1 бірлік техникасы мен құтқару қызметінің 4 құтқарушысы және 1 бірлік техникасы бар ТЖК республикалық жедел-құтқару жасағының күшімен жүргізілді. Ұлыбритания азаматтары сағат 18.55-те таудан түсіп бара жатқанда адасып кеткен. Сағат 20.34-те олар табылып, автокөлікке дейін жеткізілді.
Олардың жағдайы қанағаттанарлық және медициналық көмекке зәру болған жоқ.
