Алматы, BAQ.KZ тілшісі. Шығынды өтеу рәсімі барысында оны растайтын құжаттардың жоқтығы сұрақтар тудырып отыр.
Бұл туралы Алматы Кәсіпкерлер палатасының директоры Айтуар Қошмамбетов брифингте айтты.
Кәсіпкерлер палатасының директоры комиссияға оларда бар объективті деректерді негізге алып, заңнама аясында іс-әрекет етуді ұсынады.
Қазір бізде тауардың бар екенін растайтын ұрланған құжаттармен туындаған жағдайды шешу бойынша қандай да бір ұсыныстар жоқ. Біз бұл мәселені кәсіби аудиторлардың, бухгалтерлердің, заңгерлердің, тергеу органдарының қатысуымен зерттеп жатырмыз және Үкіметке ұсыныстар енгізуге дайынбыз. Қазіргі уақытта кәсіпкерлер шығын сомасын екі тәсілмен растай алады: яғни салық органдарында бар айналымдардан есептеу немесе сот сараптамасын жүргізу арқылы, - деді Қошмамбетов.
Өтінім берген кезде келтірілген залалға байланысты кәсіпкер жеңілдетілген тетік бойынша, яғни сот сараптамасын жүргізбестен өтеудің бір немесе бірнеше санатын таңдауға тиіс. Өтем сомасын есептеу рәсімімен келіспеген жағдайда өтініш беруші қылмыстық іс жүргізу кодексі шеңберінде сот сараптамасының қорытындыларын қоса бере отырып жүгінуге құқылы.
Ол зардап шеккен бизнесті орналастыру үшін арнайы алаңдар бөлінгенін айтты. Мысалы, «Байзақ» бизнес-орталығы 10 кеңсе орнын, Fifty four коворкинг-орталығы 50 жұмыс орнын, «Qaynar Bulaq – Алматының қайнау көзі» коворкинг-орталығы 15 жұмыс орнын ұсынған.
Бұдан басқа, «Наркостоп» жобасының еріктілері мен «Света вокруг Света» оқу орталығы зардап шеккен екі орын мен қала әкімдігін тазалауды ұйымдастырды. Жиһаз және ағаш өңдеу өнеркәсібі кәсіпорындары қауымдастығы ШОБ зардап шеккендерге корпустық жиһаз дайындауға көмек көрсетті. Сәулетшілер, дизайнерлер және құрылыс индустриясының өзге де кәсіби қатысушылары қауымдастығының мүшелері екі кәсіпкерге арналған жұмсақ жиһаз дайындауға тегін көмек көрсетті,-деді ол.
Өз кезегінде «КӨМЕК-Астана» ЖШС медициналық мекеме қызметкерлеріне өзіндік құнынан төмен бағамен 1583 костюм дайындауға көмектескен. Тағы бір «Ар Шона» кәсіпорны терезелерді қалпына келтіру үшін қаражат бөліпті. Алматылық бизнесмендердің бірі екі кәсіпкерге 500 000 теңге көмек көрсеткен.
Қаңтардағы оқиғалардың салдарынан Қазақстанның шағын және орта бизнес өкілдері миллиардтаған шығынға ұшырағаны белгілі. Үкімет алдында ел экономикасын тұрақтандыру міндеті тұр. Әсіресе, Алматыдағы күрделі жағдай, онда бүгінгі күні өтініштердің жартысы қаралды. 10 наурызға дейін ШОБ өтінімдерінің 90%-ын қанағаттандыру жоспарланып отыр, - деді Қошмамбетов.
Айтуар Қошмамбетов жақын арада Алматының іскерлік ортасы қалпына келетініне сенім білдірді.
