Мегаполисте 7 қаңтар сағат 22:00 – ден бүгін 12:00-ге дейін 33 жол апаты тіркеліп, 2 адам зарап шекті, деп хабарлайды Алматыдағы BAQ.KZ тілшісі.
Полиция қызметкерлері азаматтарды жол үстінде аса мұқият болуға шақырады.
Қыста көлік жүргізуде белгілі бір қиындықтар туындайды. Сондықтан жүргізушілерді аса сақ болуға, жылдамдықты шектен асырмауға, тежегіш педалін қатты баспауға, ең бастысы, орындалатын маневр туралы басқа жол қозғалысына қатысушыларды алдын ала ескертуге шақырамыз. Жолдардағы қауіп-қатер туралы ескертеміз және жүргізушілер мен жаяу жүргіншілерді жол қозғалысы ережелерін қатаң сақтауды, өз өмірлерін, сондай-ақ басқа да жол қозғалысына қатысушылардың өміріне қауіп төндірмеуді сұраймыз. Шаһар көшелерін 150-ге жуық патрульдік полиция жасағы мен әкімшілік полицияның мамандандырылған батальоны күзетеді. Мегаполисте 7 қаңтар сағат 22:00 – ден бүгін 12:00-ге дейін 33 жол апаты тіркеліп, 2 адам зарап шекті, - деді Алматы қаласы полиция департаментінің ресми өкілі Салтанат Әзірбек.
