Алматы, BAQ.KZ. Алматы қаласында ЛГБТ шеруін өткізуге рұқсат берілмеді. Бұл туралы қала әкімдігі хабарлады.
Әкімдік таратқан мәліметте, 2019 жылдың 23 тамызында Айдар Елекеев атты азамат 30 тамыз бен 8 қыркүйек күні қаладағы «Сарыарқа» кинотеатры артындағы гүлзарда ЛГБТ қауымдастығының құқығын қорғау мақсатында шеру өткізу жөнінде екі өтініш жазғаны айтылады.
«Өтініштер 1995 жылы 17 наурызындағы №2126 «Қазақстан Республикасында бейбіт жиналыстар, митингілер, пикеттер және шерулер өткізу және ұйымдастыру туралы» ҚР Заңына сәйкес қаралды. Берілген өтініш жоғарыда көрсетілген Қазақстан Республикасы Заңының 3-бабына сәйкес келмегендіктен оған түсіндіру сипатында жауап берілді», - делінген хабарламада.
Бұған дейін хабарлағанымыздай, Нұр-Сұлтан қаласында да ЛГБТ шеруіне рұқсат берілмеді.
