Мегаполисте NEET санатындағы жастардың үлесі 6,6%-ға азайды, деп хабарлайды Алматыдағы BAQ.KZ тілшісі.
Бұл туралы Алматы қаласы Мансап орталығының директоры Асқар Азамат мәлімдеді.
![Алматыда "Jasalmaty.kz" порталы арқылы 4 мың адам жұмысқа орналасты](/userfiles/images/photo1716356888%20(2).jpeg)
Алматы қаласы Жастар саясаты басқармасы NEET-жастардың үлесін 2024 жылдың I тоқсанында 7,4%-дан (47,9 мың) 6,6%-ға дейін (43,9 мың) төмендетуге мүмкіндік берді. Бүгінде Алматыда 14 пен 35 жас аралығындағы 682 мыңнан астам жас тұрады. Мансап күндерінің мақсаты – жастарды жұмысқа орналастыру және оқытуды тиімді үйлестіру. Дәстүр бойынша, іс-шарада қаланың 400 ірі компаниясынан 1,5 мыңнан астам бос жұмыс орны ұсынылады. ХедХантер.kz, ОЛХ.kz, Найми.kz платформаларының деректерін талдау негізінде өзекті мамандықтар бойынша 30 қысқа мерзімді курстар бойынша оқыту басталды, – дейді Асқар Азамат.
![Алматыда "Jasalmaty.kz" порталы арқылы 4 мың адам жұмысқа орналасты](/userfiles/images/photo1716356911.jpeg)
Оның айтуынша, 2023 жылы 10,8 мың жас оқытылып, жұмысқа орналастырылған. 2024 жылдың басынан бері 3,1 мың жас оқытылған.
"Jasalmaty.kz" ақпараттық порталының қазірдің өзінде 25 мыңға жуық бірегей пайдаланушылары бар. 5 мың жұмыс беруші тіркеліп, 5 мың бос жұмыс орны орналастырылды. Нәтижесінде 4 мың адам жұмысқа тұрды. "Jasalmaty.kz" мобилді қосымшасын App Store платформасынан жүктеуге болады. Google Play қосымшасы да іске қосылып жатыр, – дейді Алматы қаласы Мансап орталығының директоры Асқар Азамат.