Алматы, BAQ.KZ. Әуезов ауданындағы бірнеше ғимаратта бір күн бойы суық су тоқтайды. Бұл туралы "Алматы су" мекемесі хабарлады.
Су құбырындағы сүзгі клапындарын ауыстыруға байланысты суық су тоқтатылып отыр. Мұның барлығы қаланы сумен қамтамасыз етуді жақсарту шарасы аясында жасалып жатқан жоспарлы жұмыстар, - делінген хабарламада.
11 наурыз күні сағат таңғы 9-дан кешкі 20.00 дейін «Ақсай – 1,2,3» ықшамаудандарында суық су беру тоқтатылады.
Нақты атап айтар болсақ "Ақсай-1" ықшамауданындағы № 1-8 және №11-25 үйлер, "Ақсай-2" ықшамауданында №1- 76 үй, "Ақсай-3" ықшамауданында №1-36 үйде. Сонымен қатар №42, №121, №133 орта білім беру мектептерінде және №28, №50, №52, №74, №111, №144 балабақшаларында да суық су болмайды.
Әлеуметтік және жалпы білім беру мекемелеріне тапсырыс бойынша су жеткізу шаралары қолға алынады, - делінген хабарламада.
