"Алматы" ӘКК" АҚ қант жеткізуге шарт жасасты, деп хабарлайды BAQ.KZ.
Алматы қаласы әкімдігінің мәліметінше, қант сауда желілерінде белгіленген, яғни келісіне 380 теңгеге дейінгі бағамен сатылады.
Саудагерлер бұл бағаға әрі кетсе 10% ғана қоса алады. Бұл қант бағасын 2025 жылдың қыркүйегіне дейін тұрақтандыруға көмектеседі, - делінген хабарламада.
2023 жылдың қарашасынан 2024 жылдың тамызына дейін дәл осындай бағамен 3 мың тонна қант сатылды, соның арқасында қалада өнім бағасы өспеді. Қантты қайдан сатып алуға болатынын almatyazyk.kz сайтынан біле аласыз.
