Алматылық құтқарушылар өрттің таралуына жол бермеді, деп хабарлайды BAQ.KZ Төтенше жағдайлар министрлігіне сілтеме жасап.
Белгілі болғандай, Наурызбай ауданында Жуалы көшесінде орналасқан 2 қабатты ғимараттың екінші қабатында азық-түлік дүкені өртенген.
Өрт сөндіру жасақтары келген кезде азық-түлік дүкені ашық жалынмен жанып жатты. Жанында тұрған құрылыстарға өрттің таралу қаупі болды, - деп атап өтті ведомстводан.
Өрт сөндірушілер өрттің таралуына жол бермей, 40 шаршы метр алаңдағы өртті жедел түрде сөндірді. Зардап шеккендер жоқ, себебі анықталып жатыр.
