Алматы, BAQ.KZ тілшісі. Алмалы ауданының әкімі Ержан Сейтенов онлайн брифинг барысында «Бюджетке қатысу» аясында іске асырылатын 69 жобаның 14-і аяқталғанын айтты.
Алмалы ауданында «Бюджетке қатысу» жобасы аясында 69 жоба жүзеге асырылуда. Мұнда аулалар, үйлердің қасбеттері өзгертіледі, демалыс орындары реттеледі және ең бастысы, инженерлік желілер қайта жаңартылады.
Аудан әкімінің айтуынша, іске асырылып жатқан 69 жобаның 14-і аяқталған.
Олар: Төле би - Варламовтағы скейт алаңы, Райымбек даңғылының үстіндегі Курильская көшесінің бойындағы жеке сектор тұрғындары үшін ойын алаңын абаттандыру, АРО саябағында және Мақатаева, 130 көше ауласында иттерді серуендеуге арналған екі ойын алаңы, Мұратбаев, Жамбыл, Мәметова, Қарасай батыр және Құрманғазы көшелерінің бойындағы жаңа қоқыс жәшіктері. Сондай-ақ Үлкен Алматы өзені мен Ганди саябағы бойындағы Төле би - Розыбакиев учаскелерінің резеңке жабындысын жаңарту, Прокофьев жаяу жүргіншілер көшесінің бойында дауыл торларын орнату мен Қабанбай батыр көшесінің қиылысы, Мұратбаев көшесіндегі қоқыс алаңын жаңарту.
Қазір қалған 55 жоба бойынша жұмыс жүргізілуде. Олардың ішінде:
1) аула аумақтарын ағымдағы жөндеу бойынша 24 жоба;
2) 14 көше бойында қоқыс жәшіктерін орнату бойынша 14 жоба;
3) қатты тұрмыстық қалдықтар үшін көмілген алаңдардың құрылысы бойынша 5 жоба;
4) модульдік дәретхана орнатудың 4 жобасы (Сайран, ҚазДрам театры, Сосновый, Қожамқұлов - Жамбыл);
5) қоғамдық скверлерді жөндеуге арналған 3 жоба (АРО, Байтұрсынов, Будан);
6) учаскелерді абаттандыру мен көгалдандырудың 3 жобасы (Мұқанов - Құрманғазы, Мұқанов - Шевченко, Жароков - Қабанбай батыр);
7) Есентай жағалауын абаттандыру мен көгалдандыру жобасы
(Төле би көшесінен Мақатаев көшесіне дейін)
8) Сайран көлі жағасында иттерді серуендеуге арналған орындардың құрылысы жобасы.
Сейтенов сондай-ақ ауданды көгалдандыру жұмыстары қалай жүріп жатқанына тоқталды. Биыл ауданда 3 мың м2-ден астам аумаққа көгал егілген. 4 948 м2 гүлзарлар төселіпті.
Ауданда апатты жағдайдағы 110 ағашты кесу және 3 мыңнан астам ағашты санитарлық кесу жұмыстары жүргізілді. Сонымен қатар «Jasyl Almaty» бағдарламасы бойынша 1 247 ағаш отырғызылды. Жыл соңына дейін біз бұл көрсеткішті 5,5 мыңнан астам ағашқа жеткізуді жоспарлап отырмыз, - деді аудан әкімі.
Алмалы ауданында жасыл желектерді суару күніне 2 ретке дейін күшейтілген. Сонымен қатар ауданның 12 алаңында суаруды күшейту үшін пулемет қолданылады.
