Алматы тауларында Оңтүстік Корея азаматын іздеу жалғасып жатыр
Жоғалған туристі іздеу-құтқару операциясы тоқтаған жоқ.
3 Қазан 2026, 12:16
Алматының Медеу ауданындағы Талғар асуы маңында Оңтүстік Корея Республикасының азаматын іздеу жалғасып жатыр.
Іздеу-құтқару операциясына таулы жер бедерінің күрделілігі, тексерілетін аумақтың кеңдігі және биіктіктің едәуір айырмашылығы кедергі келтіруде. Құтқарушылар жетуі қиын учаскелерде, соның ішінде шатқалдар мен тау бөктерлерінде жұмыс істеп жатыр.
Іздеу-құтқару жұмыстарына Төтенше жағдайлар министрлігі, полиция департаменті қызметкерлері мен еріктілерден тұратын шамамен 130 адам қатысуда. Операцияға 10 техника, сегіз кинологиялық топ, 11 ұшқышсыз ұшу аппараты және ТЖМ авиациясы жұмылдырылған.
Іздеу жұмыстары үздіксіз жүргізіліп жатыр. Құтқарушылар таулы аумақтарды кезең-кезеңімен тексеруде.
Іздеу-құтқару операциясы Төтенше жағдайлар министрлігінің бақылауында.
Ең оқылған:
- 3-5 қазанға арналған ауа райы болжамы: Қар, тұман және көктайғақ күтіледі
- Жәнібек Әлімханұлының жаңа қарсыласы кім? Сарапшы даниялық боксшының қауіпті тұстарын атады
- Президент Тоқаев Ли Кай-Фумен кездесті: Қазақстанның 500 мектебіне жасанды интеллект енгізілмек
- Жамбыл облысында жүк пойызы бір отар қойды қағып кетті
- Ұлытауда 250-ден астам бала қаржылай көмек пен тегін тамақ алмаған: Лауазымды тұлғалар жауапқа тартылды