Бүгін қалада ауа райы бұлтты, күні бойы жаңбыр жауды. Таулы аймақтарға қар түсті, деп хабарлайды Алматыдағы BAQ.KZ тілшісі.
«Шымбұлақ» тау-шаңғы курортының базалық бекеттерінде орнатылған бейнекамералар Богданович мұздығын қар басып қалғанын желіде көрсетті.
![Алматы тауларына қар түсті](/userfiles/images/498f1043-5855-4080-9c18-262562b2ad5e.jpg)
Іле Алатауының орта таулы және биік таулы аймақтарында, атап айтқанда, 2500 метрден жоғары биіктікте жауын-шашын түсті: жаңбыр бұрқасынға айналған. Синоптиктердің айтуынша, бұған солтүстік-батыстағы суық ауа мен атмосфералық фронт себеп болған.
![Алматы тауларына қар түсті](/userfiles/images/58a25857-0ff8-47b7-b636-7b534e118d32.jpg)
Бұған дейін «Қазгидромет» Қазақстанның басым бөлігінде дауылды ескерту жариялаған еді, сондай-ақ еліміздің кейбір аймақтарында жаңбыр жауып, үсік жүреді деп болжаған болатын.