Алматы, BAQ.KZ. Алматы полициясы азаматтарды көбіне не мазалайтынына талдау жүргізді. Бұл туралы қалалық Полиция департаментінің бастығы Қанат Таймерденов тұрғындар алдындағы есеп беру кездесуінде айтты.
Оның айтуынша, жыл соңында азаматтарды қабылдауға жүргізілген талдау тұрғындардың төрт негізгі мәселеге алаңдап отырғанын көрсеткен.
Біріншісі – «102» телефон желісінің жұмыс жүктемесі. Қабылданған шаралар осы қызметке қоңырау шалу мәселесін шешті. Абоненттерге қызмет көрсету сапасын жақсарту үшін басқа бөлімшелермен коммутация функциясы өшіріліп, операторлар саны екі есеге көбейтілді және екі ауысымдық жұмыс кестесі енгізілді. Бұл шаралар жедел басқару орталығы желілерінің толуын 15%-ға дейін төмендетуге мүмкіндік берді. Екіншісі – полиция қызметкерлерінің ЖКО болған жерге оларды тіркеу үшін ұзақ уақытта келуі. Бұл мәселені шешу үшін біз жол-көлік оқиғаларымен жұмыс істеу дағдылары жеткілікті болу мақсатында жеке құрамды арнайы дайындадық. 2020 жылдың 1 қыркүйегінен бастап патрульдік полиция Полкі мен мамандандырылған батальонының қызметкерлері зардап шеккендерсіз жазатайым оқиғаларды жүзеге асырады, ал өліммен аяқталатын жазатайым оқиғалармен тек осы жұмыс саласында мамандандырылған анықтаушы айналысады. Нәтижесінде экипаждардың уақтылы келмеуі туралы азаматтардың шағымдары айтарлықтай төмендеді, тиімділік артты, – деді Алматы қалалық Полиция департаментінің бастығы Қанат Таймерденов.Бөтеннің мүлкін ұрлаумен күрес, үшінші өзекті мәселе, деп атап өтті спикер.
Өткен жылдың басында барлық ұрлықтардың үлесі тек Алматы қаласында ғана емес, бүкіл республика бойынша 70% -дан астам болғандығын ескере отырып, біз осы қылмыс түрінің алдын алуға және шешуге бағытталған бірқатар шаралар кешенін қабылдадық. Осы мақсатқа жету үшін қылмыстық полиция қызметкерлерінің үштен екісі ұрлықтарды ашуға қатысады. Жалпы алғанда, ұрлықтардың төрттен бірі қалта ұрлықтары, олар көбіне қоғамдық көліктерде жасалады. Біз қоғамдық көліктерге бейнебақылау камераларын орнатуды бастадық, бұл қалта ұрлаушыларының тіркелуін азайтуға және оларды анықтауды жақсартуға мүмкіндік берді. Қалта ұрлығының саны 70%-ға төмендеді. Төртінші – есірткіні құралдарын тарату. Өткен жылы Полиция департаменті есірткі құралдарының заңсыз айналымына байланысты 445 қылмысты анықтады. Заңсыз айналымнан 320 кг есірткі, оның ішінде 129 кг синтетикалық есірткі тәркіленді. Сонымен қатар, өткен жылы республикада синтетикалық есірткі өндірісі бойынша жеті зертхана анықталды және таратылды, оның бесеуін Алматы қаласының полициясы анықтады. Есірткіні контактісіз сатумен айналысқан екі ұйымдасқан қылмыстық топтың қылмыстық әрекеті тоқтатылды. Жалпы алғанда, есірткінің заңсыз айналымы саласындағы қылмыстық жауапкершілікке 400 адам тартылды, олар кейіннен ұзақ мерзімге бас бостандығынан айырылды. Сондай-ақ, біз есірткі және психотроптық заттардың таралуы туралы ақпаратты қамтитын сайттарды бұғаттаумен айналысып жатырмыз. Өткен жылы осыған ұқсас 247 ресурстарға тыйым салынды, – деп түйіндеді Қанат Таймерденов.
