Алматы облысында жүк пойызы Toyota Land Cruiser көлігімен соқтығысты. Оқиға 15 маусым күні таңғы уақытта «Жетісу – Алтынкөл» бағытындағы Жінишке су – Шелек теміржол өткелінде тіркелді, деп хабарлайды BAQ.KZ.
«Теміржол өткеліндегі бағдаршам мен шлагбаум белгісіне қарамастан, жүргізуші өткелге кіріп кеткен. Соның салдарынан жүк пойызымен соқтығысып, жол-көлік оқиғасы болды», – деп мәлімдеді «Қазақстан темір жолы» ҰК» баспасөз қызметі.
Жол апатынан адам өлімі тіркелген жоқ. Көлік жүргізушісі қолын сындырып, ауруханаға жеткізілді.
Пойыз қозғалысы 30 минутқа кешіктірілді, кейін қайта қалпына келтірілді.
