Алматы облысында жер сілкінісі тіркелді

Қазақстан Республикасының Төтенше жағдайлар министрлігі «Сейсмологиялық зерттеу және ақпарат ұлттық ғылыми орталығы» ЖШС бүгін, 8 сәуірде сағат 22:55-те Алматы облысы, Іле ауданы аумағында жер сілкінісі тіркелгенін мәлім етті, деп хабарлайды BAQ.KZ.

Эпицентр Алматы қаласынан шамамен 117 шақырым солтүстік-батыста орналасқан. Күрті ауылында сілкініс 2 баллға дейін сезілді.

Қазіргі уақытта зардап шеккендер мен материалдық қираулар туралы ақпарат жоқ.