-Нұр-Сұлтан, BAQ.KZ. Спортшы Алматы облысында 17 жастағы жасөспірімді соққыға жыққан. Бұл туралы Алматы облыстық Полиция департаменті хабарлады. Жанжал кеше көпқабатты үйлердің бірінің ауласында болған.
Оқиғаға қатысушылардың бірі екіншісіне әзілдеп, шамына тиген, ал ол бұған ренжіп, анасына тіл тигізген. Салдарынан соққыға жығылған кәмелетке толмаған жасөспірім дене жарақаттарымен ауруханаға түсті. Ал екіншісі тергеуде, - дейді облыстық ПД.
Бұл дерек ҚР ҚК 239-бабының 1-бөлімі («Бұзақылық») бойынша тіркелген.
