Алматы, BAQ.KZ. Алматы облысында Covid-19 жұқтырған 22-ші науқас тіркелді. Бұл туралы Алматы облысы əкімінің баспасөз қызметі хабарлады.
Ол - Қарасай ауданы "Олипийская деревня" 19 км тұрғыны. Ауруханаға жатқызылған науқастың жағдайы орташа ауыр деп бағаланып отыр. Пациентпен 11 адам қарым-қатынаста болған, олардың барлығы да дəрігерлердің бақылауына алынды, - делінген хабарламада.
Атап өтсек, 14 сəуір күнгі сағат 08.00-дегі жағдай бойынша Алматы облысында коронавируспен ауырғандар саны 22 адамға жетті. 4 науқас дерттен жазылып шықты.
