Алматы, BAQ.KZ тілшісі. Алматы облысының Дене шынықтыру және спорт басқарма басшысының орынбасары Алмат Үшкемпіров облыстағы спорттың дамуы жайлы баяндады.
Оның айтуынша, облыста спортпен жүйелі түрде шұғылданып жүргендер саны 67 428 адамға жеткен. Бұл облыс тұрғындарының 32 пайызы.
Жыл басынан бері спортпен айналысып жүргендерге 12 халықаралық дәрежедегі спорт шебері, 99 спорт шебері және 119 бұқаралық спорт шебері атағы берілді. Алматы облысының спортшылары жыл басынан бері халықаралық жарыстардан барлығы 2085 медаль жеңіп алды. Олардың 675-і алтын, 600-і күміс, 778-і қола медаль, - деді ол.
Сонымен қатар ол спорт күніне орай Алматы облысы Спорт басқармасы басшысының қабылдауы өтіп, 2021 жылы спорт саласына еңбек сіңірген жаттықтырушылар, спортшылар, спорт қызметкерлері мен барша ардагерлерді құттықтағандарын айтты. Жиын барысында 80 спорт ардагеріне 50 мың теңгеден сыйақы берілген.
Айта кетсек, төртжылдықтың басты додасы Токио Олимпиадасына Алматы облысының спортшылары 18 жолдама ұтып алған. Оның ішінде Игорь Сон мен Зулфия Чиншанло ауыр атлетикадан қола медальмен оралды.
Оқи отырыңыз:
