Алматы, BAQ.KZ. «Қазгидромет» РМК тамыздың 24-25 күндері Алматы облысында дауыл болатынын мәлімдеді.
«Қазгидромет» РМК-ның 2021 жылғы 22 тамыздағы дауылды ескертуі негізінде 24-25 тамыз күндері Алматы облысының Іле Алатауы мен Жетысу Алатауының кейбір аумағында аз уақытты жаңбыр жауады, күн күркірейді, бұршақ жауады.
Солтүстік-шығыстан жел соғады, желдің екпіні 15-20 м/с жетеді.
Алматы облысының ТЖД азаматтарды ауа райының өзгеруін бақылауға және сақтық шараларын сақтауға шақырады. Дауылды ескертулер, және басқа да шұғыл ақпаратты жедел алу үшін Сіз «Дәрмен» тегін мобильді қосымшасын жүктей аласыз.
