Алматы облысында әкімшілік ғимараттан өрт шықты

Алматы облысының құтқарушылары әкімшілік ғимараттағы өртті сөндірді, деп хабарлайды BAQ.KZ.

Төтенше жағдайлар министрлігінің мәліметіне сүйенсек, бүгін түнде Алматы-Қорғас трассасының Іле ауданында бір қабатты әкімшілік ғимараттың шатыры өртке оранған.

Оқиға орнына келген ТЖМ бөлімшелері 240 шаршы метр алаңда өртті сөндіріп, өрттің таралуына жол бермеді. Зардап шеккендер жоқ, - деп атап өтті ведомстводан.

ТЖМ өрт қауіпсіздігі ережелерін дер кезінде сақтап, жағдайды өртке жеткізбеуді сұрайды!