Әлімханұлының келесі қарсыласы белгілі болды

Бүкіләлемдік бокс ұйымы (WBO) әлеуметтік желіде британиялық Лиам Смитті орта рейтингінде бірінші нөмірге қоятынын мәлімдеді, деп хабарлайды BAQ.KZ Vesti.kz сілтеме жасап.

Мұндай шешім Смиттің WBO чемпионына міндетті қарсылас болатынын білдіреді. Орта дивизиондағы бұл титул Жәнібек Әлімханұлында. 

Қаңтар айында Смит отандасы Крис Юбенкті нокаутқа түсіріп, сенсация жасаған. Юбенк келісімшартта көрсетілгендей қарымтаны талап ете бастады, бұл Жәнібек пен Лиам жекпе-жегіне бөгет болып тұр. 

Айта кетейік, Лиам Смит 2015-2016 жылдары бірінші орта салмақта WBO чемпионы болған.