Бұл туралы Ұлттық статистика бюросы мәлімдеді, деп хабарлайды BAQ.KZ тілшісі.
Бюро дерегінше 2014 жылдан бері рейтингте Әлихан есімі көш бастап келе жатты. Бірақ 2024 жылы бірінші орынға Мұхаммед есімі жайғасты. Сондай-ақ жылда ТОП-10 есімнің қатарында болатын Нұрислам есімі ондықтан шығып қалды.
2024 жылы ер балаларға ең жиі қойылған 10 есім:
Мұхаммед (3633 адам);
Айсұлтан (2862);
Әлихан (2719);
Мұхаммед (2712);
Омар (2484);
Алдияр (2295);
Әмір (2266);
Алан (2259);
Али (1912);
Хамза (1857).
Ең жиі қойылатын қыздар есімдері рейтингісіндегі бірінші орында Айлин есімі қалды. Сонымен қатар ондыққа Мариям есімі кіріп, Амина есімі ТОП-10-нан шығып қалды.
2024 жылы қыздарға ең жиі қойылған 10 есім:
Айлин (5578 адам);
Медина (5417);
Асылым (5020);
Айша (4493);
Томирис (3369);
Аяла (2986);
Айым (2875);
Мариям (2794);
Раяна (2782);
София (2775).
Ұлттық статистика бюросының соңғы мәліметтері бойынша, 1 желтоқсанда Қазақстанда 20 265 320 адам тұрды. 2024 жылдың басымен салыстырғанда қазақстандықтар 231 478 адамға артты. Табиғи өсім 217 133 адамды, көші-қон сальдосы 14 345 адамды құрады.
