BAQ.KZ тілшісі әлемде соңғы тәулікте болған оқиғаларға шолу жасап, жария болған жаңалықтар топтамасын ұсынады.
Қытай халқының саны азайып барады
2024 жылы Қытайда өлім көрсеткіші дүниеге келген нәрестелер саны көрсеткішінен сәл асып, осылайша халық саны үш жыл қатарынан азаю тенденциясын байқатқан. Сарапшылар бұл тренд алдағы жылдары күшейе түседі деп болжайды. Бұл жөнінде Reuters жазды.
Статистика ұлттық бюросының мәліметінше, 2024 жылы Қытай халқының саны 1,39 млн адамға азайып, 1,408 млрд болған. Ал 2023 жылы бұл көрсеткіш 1,409 млрд болған.
.jpeg)
bloomberg
Ал 2024 жылы 9,54 млн бала дүниеге келген, бұл 2023 жылғы көрсеткіштен (9.02 млн) едәуір көп. 2024 жылы әрбір 1000 адамға шаққанда 6.77 нәрестеден келсе, 2023 жылы 6.39 болған.
Былтыр 10.93 млн адам қайтыс болса, 2023 жылы бұл көрсеткіш 11.1 млн болған.
Сарапшылар Қытайда 1980-2015 жылдарғы "бір бала саясатына" байланысты туу көрсеткіші жылдар бойы азайып келетінін айтады.
Трамп жеке криптовалютасын шығарды
АҚШ-тың қайта сайланған президенті Дональд Трамп әлеуметтік желіде $TRUMP атты жеке криптовалютасын шығарғанын мәлімдеді.
Бірінші күні қолданушылар 200 млн монета ала алады, үш жыл ішінде жалпы ұсыныс көлемі 1 млрд долларға дейін жетеді.
truthsocial.com
Жоба іске қосылғаннан кейінгі алғашқы сағаттарда $TRUMP мемкоинының капитализациясы үш миллиард долларға жеткен, ал бір жарым сағаттан кейін ол төрт миллиардтан асты.
Жобаның сайты "Трамп стилінде" жасалған. Онда 2024 жылы жаздағы қастандықтан кейін айтылған "күрес, күрес, күрес" атты тіркес бар.
Бұрын криптовалютаны алаяқтық деп атаған Трамп сайлауалды кампаниясы кезінде өзінің пікірін өзгерткен. Ол АҚШ-ты криптовалютаның "әлемдік астанасы" етуге және биткоиндердің ұлттық қорын жинақтауға уәде берді.
Оңтүстік Корея соты президент Юнды қамау мерзімін ұзартты
Оңтүстік Кореяның импичмент жарияланған президенті Юн Сук Ёл сенбі күні тергеушілердің көтеріліс жасады деген айыппен қамауда ұстау мерзімін ұзарту туралы өтінішімен күресу үшін сот отырысына қатысты.
Жексенбі күні Оңтүстік Корея соты президент Юн Сук Ёлдың қамауда ұстау мерзімін 20 күнге дейін ұзартты, ол желтоқсанның басында қысқа мерзімді әскери жағдай жариялағаны туралы қылмыстық тергеудегі дәлелдемелерді жоя алады деп алаңдайды.
Айта кетейік, сәрсенбі күні Юн 3 желтоқсанда қысқа мерзімді әскери жағдай жариялауына байланысты қылмыстық іс бойынша тұтқындалған елдің бірінші президенті болды .
Тергеушілер жұма күні Юнды қамауда ұстау мерзімін 20 күнге дейін ұзарту үшін қамауға алу ордерін сұрады. Ол тергеушілермен сөйлесуден бас тартып, қамауға алынғаннан бері Сеулдегі тергеу изоляторында отыр.
Тегерандағы атыс кезінде екі судья қаза тапты
Иранда белгісіз біреу Жоғарғы соттың екі судьясын атып өлтірді. Бұл туралы IRNA басылымы хабарлады.
Тегеранда Иранның Жоғарғы сот ғимаратының жанында атыс болып, екі судья қаза тапты.
Жергілікті билік бұл оқиғаны теракт деп бағалады. Алдын ала мәлімет бойынша, шабуыл жасаған адам өз-өзіне қол жұмсаған.
irna.ir
Атыстың салдарынан екі судья: Мохаммад Могисе және Әли Разини қаза болды. Олар ұлттық қауіпсіздік, тыңшылық және терроризмге қатысты істер бойынша маманданған.
