Алакөл көлінің маңында жер сілкінісі болды, деп хабарлайды BAQ.KZ тілшісі.
Жер сілкінісі Жетісу облысындағы Алакөл көлінің маңында тіркелді.
24 шілде күні Астана уақытымен 08:47-де Сарқант қаласынан 124 шақырым солтүстік-шығыста жер сілкінісі болды. Магнитудасы – 3,8, - деп жазылған Еуропа-Жерорта теңізі сейсмологиялық орталығының (EMSC) хабарламасында.
Қазақстандық деректер орталығының жедел ақпаратына сәйкес, жер сілкінісінің эпицентрі Үшарал қаласынан оңтүстік-шығысқа қарай 27 шақырым жерде орналасқан. Жер асты дүмпуінің магнитудасы – 3,7.
Еске салайық, 23 шілдеде Шығыс Қазақстан облысында жер сілкінісі тіркелді. Сондай-ақ, Өскемендегі жер сілкінісі кезінде сиреналар кеш қосылды.
Төтенше жағдайдан кейін ШҚО-да жедел штаб құрылып, "жедел желі" жұмысын бастады.
