Нұр-Сұлтан, BAQ.KZ. Қызыл кітаптағы жануардың қайталанбас кадрлары теңіз деңгейінен 2900 метр биіктікте тіркелген. Бұл туралы Экология министрлігінің баспасөз қызметі хабарлады.
Барыс - мысық тұқымдастардың ең жасырын жүретін өкілі. Сондықтан жаздыгүнгі биік тауларда таспаланған бейнелер аңның мекен ету ортасы мен популяциясын зерттеу үшін аса маңызды. Барыс ілінген фототұзақтарды БҰҰ даму бағдарламасының Ғаламдық экологиялық қоры мен Экология министрлігінің Орман шаруашылығы және жануарлар әлемі комитеті орман экожүйесін сақтау мақсатында орнатқан - делінген хабарламада.
Еске салайық, бүгінде Қазақстанда 120-130 ілбіс мекендейді. Өкінішке қарай, олардың саны жыл сайын азайып келеді.
