Мәдениет және ақпарат министрі Аида Балаева ЕҚЫҰ-ның Еуропадағы БАҚ еркіндігі жөніндегі өкілі Тереза Рибейромен кездесті, деп хабарлайды BAQ.KZ.
Кездесу барысында Аида Балаева ЕҚЫҰ өкілін министрліктің мәдениет, шығармашылық индустрия, жастар саясаты және т.б. салаларға қатысты қызметінің негізгі бағыттары туралы хабардар етті.
Ол Қазақстанда еркін және тәуелсіз БАҚ-ты дамытуға, осы саладағы реттеуді жетілдіруге, оның ішінде сөз және сөз бостандығын қорғауға бағытталған заңнамаға өзгерістер енгізуге, сондай-ақ журналистердің кәсіби дамуын қолдауға бағытталған шаралар қабылданғанын атап өтті.
БҰҰ мен ЕҚЫҰ-ның халықаралық тәжірибесін ескере отырып, «Бұқаралық ақпарат құралдары туралы» заң жобасы әзірленді. Жоба Қазақстан Республикасы Парламенті Мәжілісінде жұмыс тобы құрылып, мүдделі тараптардың белсенді араласуымен ашық талқылануда. Заң жобасы тұжырымдамалық аппаратты өзгертуді, БАҚ мәртебесін арттыруды, мемлекеттік ақпараттық саясатты қаржыландыру тетіктерін реформалауды және тіркеу қағидаттарын қайта қарауды көздейді, «сөз бостандығының кепілі», «жеке өмірді құрметтеу» жаңа қағидаттары, «ақпаратқа тең қолжетімділік» және т.б. енгізілді. Сөз бостандығын сақтау және дамыту – мемлекеттік саясаттың басым бағыты, - деді Аида Балаева.
Бұқаралық ақпарат құралдары туралы» заң жобасын талқылау үдерісіне азаматтық қоғам өкілдерінің тартылуы және барлық пікірлерді ескере отырып, жұмыстың жүргізілуі маңызды. Жүргізілген заңнамалық базаны қайта қарау осы бағыттағы жемісті ынтымақтастығымыздың алғашқы қадамы ғана. Біздің кездесуіміз БАҚ бостандығы саласындағы диалог пен идеялар алмасуды жалғастыру мүмкіндігі болып табылады, - деп атап өтті Тереза Рибейро өз кезегінде.
ЕҚЫҰ-ның Еуропадағы БАҚ бостандығы жөніндегі өкілі заң жобасындағы жаңашылдықтың бірі – баспасөз картасын енгізуді атап өтті. Т.Рибейроның айтуынша пресс-картаны БАҚ өкілдеріне беру механизмін тәуелсіз органдар реттеу қажеттілігін атады.
Бұл журналистерді аккредиттеуді жеңілдететін балама әдіс. БАҚ-ты шектеудің жолы емес екенін ЕҚЫҰ түсінетініне өте қуаныштымын, – деді Мәдениет және ақпарат министрі.
Кездесу соңында Аида Балаева ЕҚЫҰ-ның БАҚ бостандығын ілгерілетудегі рөлі мен бағасы демократиялық дамуымыз үшін өте маңызды екенін атап өтіп, елімізде БАҚ бостандығын нығайту бойынша бірлескен сындарлы жұмысты жалғастыруға дайын екенін жеткізді.
