«Әдейі бұрмалаған»: Трампқа өзінің портреті ұнамай қалды

Дональд Трамп өзінің президенттік портретінің «әдейі бұрмалағанын» мәлімдеп, оны дереу алып тастауды талап етті, деп хабарлайды BAQ.KZ.

АҚШ президенті Дональд Трамп Колорадо штаты Капитолийінде ілінген өзінің портретін сынға алды.

Бұл туралы Дональд Трамп өзінің Truth Social парақшасында жариялады. АҚШ басшысының пікірінше, штат губернаторы Джаред Полис Капитолий ғимаратына ілген портрет президенттің бейнесін әдейі бұрмалап, мазақ еткен.

Ешкім өзіне ұнамсыз портретті немесе суретті көргісі келмейді, бірақ Колорадо штатындағы Мемлекеттік палатаның ғимаратында губернатор орнатқан менің портретім — барлық президенттер портреттерімен қатар — бұрын-соңды көрмегенімдей шектен тыс бұрмаланған. Суретші Обаманың портретін де салған, ол тамаша шыққан, бірақ менікі шын мәнінде ең нашар. Ол жасы ұлғайған сайын таланты тіпті жоғалып кеткен секілді. Әрине, мұндай сурет болмағанынан артық болар еді, бірақ Колорадо тұрғындары маған телефон шалуға, хат жазуға дейін барып, реніш білдіріп жатыр. Тіпті ашуланып отыр! Мен олардың атынан қылмысқа қатысты әлсіздігімен, әсіресе «Tren de Aragua» қылмыстық ұйымының Аурараны дерлік бақылауына алғанында (бірақ алаңдамаңыздар — біз оны құтқардық!), қатты сынға алынған радикалды солшыл губернатор Джаред Полистен бұл портретті алып тастауды талап етемін. Джаред өзіне ұят сезінуі керек!, – деп жазды Дональд Трамп.