Нұр-Сұлтан, BAQ.KZ. «ADAL» партиясының өкілдері Ақтөбе және Ақмола облыстарының тұрғындарымен кездесулерін жалғастыруда.
Қандыағаш қаласында қала жұртшылығымен үлкен кездесу өтті. Қала тұрғындары өздерінің сұрақтарын қойып, ұсыныстарын білдірді. Сонымен қатар, олар аймақта жартылай шикізаттық өнімді өндіру мен қайта өңдеу жүйесіне және басқа да көптеген мәселеге тоқталды.
Хромтау қаласында тұрғындар кейбір аудандарда сумен қамтамасыз ету проблемаларын көтерді. Сондай-ақ, қаланың кейбір аудандарының тұрғындары интернеттің жоқтығына наразы. Басқа тұрғындар несие бойынша пайыздық мөлшерлемені азайту керектігін айтты.
Щучинск қаласында ипотекалық кредиттеу және жалға берушілердің салық салуына жеңілдіктер тақырыбы қозғалды. Сондай-ақ, кездесуге көпбалалы аналар қатысып, олар өздері тұратын тұрғын үй жағдайларын түзетуге көмек сұрады.
