Шайбалы хоккейден Азия чемпионатында Қазақстан әйелдер құрамасы қола жүлде алды, деп хабарлайды BAQ.KZ.
Қазақстандық хоккейшілер үшінші ойында Оңтүстік Корея құрамасымен кездесті. Қарсылас біздің құрамамен бірге бірінші дивизионның Б тобында сынға түсіп жүр. Сондықтан кездесу барысында құрамалар жеңіске жетуге бар күшін салды.
Кездесу барысында қазақстандық хоккейшілер екінші кезеңнің соңына дейін үш гол айырмасымен басым болып тұрды. Алайда үшінші кезеңде қарсыластар таразы басын теңестіріп кетті. Осылайша кездесу 4:4 есебімен тең аяқталып, ойын овертаймға ұласты. Овертаймда жеңімпаз анықталған жоқ. Буллиттен қазақстандық Оразбаева соққан гол құрамаға жеңіс алып келді.
Айта кетсек, ел құрамасы бұған дейін Қытайдан 0:5, Жапониядан 0:8 есебімен жеңіліп қалды.
