Абхазияда өткен президенттік сайлаудың екінші турында Бадра Гунба жеңіске жетті, деп хабарлайды BAQ.KZ.
Ол 54,73% дауыс жинады.
Абхазия Орталық сайлау комиссиясының төрағасы Дмитрий Маршанның айтуынша, Гунбаға 54 954 адам дауыс берген. Оның қарсыласы Адгур Ардзинба 41,5% дауыс жинаған. Сайлауға халықтың 70%-ы қатысқан, барлығы 100 412 адам дауыс берді.
Президенттік сайлаудың екінші кезеңі 1 наурызда өткен еді. Бірінші турда ең көп дауыс жинаған екі үміткер – Бадра Гунба мен Адгур Ардзинба сайлаудың екінші кезеңіне өткен.
